Durante o día 17 NON se esperan precipitacións, xa que unha fronte moi activa non entrará ata a partir das 03-04h do día 18 (ver máis abaixo máis información) .
Por outra banda, agárdase un día maioritariamente despexado con algunhas nubes de tipo alto principalmente pola tarde, ata a medianoite, momento no cal comecen a chegar moita máis nebulosidade.
En canto á temperatura, o suroeste fará que se eleve, cunha máxima que pode situarse entre os 28-30ºC . Ademais, durante a FESTA DE MARZÁN, será moi agradable manténdose por enriba dos 21ºC, ata a medianoite.
NOTA: Debido á gran inestabilidade presente (ver máis abaixo máis información) esta predición está suxeita a modificacións nos próximos días (as actualizacións serán a primeira hora da mañá e/ou a última da tarde).
RECORDA: Se queres estar informado de todas as novas predicións e novas meteoróloxicas sobre Foz, non tes máis que subscribirte por correo electrónico no enlace da parte superior dereita da versión web da páxina e recibirás gratuitamente todas as novas publicacións (non se envían as actualizacións que se poidan producir nunha publicación).
- MÁIS INFORMACIÓN:
Unha borrasca no norte das Illas Británicas vai ser culpable de enviar unha fronte durante a madrugada do día 18 que se vai a atopar cun río atmosférico procedente do Caribe gañando moita humidade de tipo tropical e causando que se poidan recoller unha cantidade importante de precipitación principalmente nas provincias atlánticas.
A probabilidade de precipitación para os principais servicios meteorolóxicos antes das 00H do día 18 de agosto é a seguinte:
- METEOGALICIA: 0%
- eltiempo.es: 0%
- AEMET: 5%
- THE WEATHER CHANNEL: 5%
Ningún comentario:
Publicar un comentario
Suxerencias ou comentarios
Nota: só un membro deste blog pode publicar comentarios.